کابل / مانیٹرنگ ڈیسک: افغانستان کرکٹ ٹیم کے اوپنر حضرت اللہ زازئی کی بیٹی کا انتقال ہو گیا ہے۔ آل راؤنڈر کریم جنت نے سوشل میڈیا پر افسوسناک خبر کی اطلاع دی اور مداحوں کے ساتھ اپنی تعزیت کا اظہار کیا۔
کریم جنت نے انسٹاگرام پر انتقال شدہ بیٹی کی تصویر کے ساتھ پوسٹ شیئر کرتے ہوئے لکھا، "میرے بھائی جیسے حضرت اللہ زازئی کی بیٹی انتقال کرگئی ہے"۔ اس مشکل گھڑی میں انہوں نے حضرت اللہ زازئی اور ان کے اہل خانہ کے لیے گہرے دکھ اور تعزیت کا اظہار کیا۔
کرکٹ کمیونٹی اور مداحوں کی جانب سے بھی اس افسوسناک واقعے پر گہرے دکھ کا اظہار کیا جا رہا ہے۔ اب تک حضرت اللہ زازئی کی جانب سے کوئی بیان سامنے نہیں آیا اور نہ ہی انتقال کی وجہ کا علم ہوا ہے۔
یاد رہے کہ زازئی کو آخری بار تین ماہ قبل زمبابوے کے خلاف ٹی ٹوئنٹی سیریز میں ایکشن کرتے ہوئے دیکھا گیا تھا، جبکہ وہ چیمپئنز ٹرافی میں شرکت کرنے والی افغان ٹیم کا حصہ نہیں تھے۔ حضرت اللہ زازئی نے 2016 میں یو اے ای کے خلاف ون ڈے میچ سے اپنے انٹرنیشنل کیریئر کا آغاز کیا تھا اور اب تک 16 ون ڈے اور 45 ٹی 20 میچز میں حصہ لے چکے ہیں۔