آکلینڈ/ مانیٹرنگ ڈیسک: چوتھے ٹی ٹوئنٹی میں نیوزی لینڈ کے ہاتھوں شکست کے بعد گفتگو کرتے ہوئے سلمان علی آغا نے کہا کہ دوسری اننگز میں گیند زیادہ سوئنگ ہو رہی تھی، جس سے بیٹنگ میں مشکلات پیش آئیں۔ انہوں نے امید ظاہر کی کہ آخری میچ میں بہتر کارکردگی دکھانے کی بھرپور کوشش کریں گے۔
دوسری طرف، نیوزی لینڈ کے کپتان مائیکل بریس ویل نے کہا کہ پچھلے میچ کی شکست کے بعد ٹیم نے زبردست واپسی کی اور وہ میچ اور سیریز جیتنے پر خوش ہیں۔
یاد رہے کہ نیوزی لینڈ نے چوتھے ٹی ٹوئنٹی میں پاکستان کو 115 رنز کے واضح فرق سے شکست دے کر سیریز اپنے نام کرلی۔ سیریز کا آخری میچ 26 مارچ، بدھ کے روز کھیلا جائے گا۔