بلوچستان میں افسوسناک واقعہ، قیمتی جانیں ضائع ہو گئیں

 بلوچستان کے ضلع پشین میں ایک ٹرک، جو آلو سے بھرا ہوا تھا، حادثے کا شکار ہو کر الٹ گیا، جس کے نتیجے میں ڈرائیور سمیت تین افراد جان کی بازی ہار گئے۔

لیویز ذرائع کے مطابق یہ ٹرک پنجاب سے کوئٹہ جا رہا تھا اور تحصیل نانا صاحب کے علاقے کلی دلسور کے قریب حادثہ پیش آیا۔ واقعے میں ٹرک میں سوار تینوں افراد موقع پر ہی جاں بحق ہو گئے۔ اطلاع ملنے پر لیویز فورس نے فوری طور پر جائے حادثہ پر پہنچ کر لاشوں کو اسپتال منتقل کیا۔ حکام کا کہنا ہے کہ جاں بحق افراد کا تعلق مستونگ ضلع سے ہے اور واقعے کی تحقیقات جاری ہیں۔