, حکومت نے عوام پر قہر ڈھا دیا

 حکومت نے پیٹرولیم مصنوعات کی قیمتوں میں اضافہ کر دیاحکومت نے پیٹرول اور ڈیزل کی قیمتوں میں اضافہ کرتے ہوئے نئی قیمتوں کا اعلان کر دیا ہے۔ اعلامیے کے مطابق پیٹرول کی قیمت میں 8 روپے 36 پیسے فی لیٹر اور ڈیزل کی قیمت میں 10 روپے 39 پیسے فی لیٹر اضافہ کیا گیا ہے۔

قیمتوں میں اضافے کے بعد پیٹرول 266 روپے 79 پیسے اور ڈیزل 272 روپے 98 پیسے فی لیٹر دستیاب ہوگا۔ نئی قیمتوں کا اطلاق فوری طور پر کر دیا گیا ہے۔ ذرائع کا کہنا ہے کہ پیٹرولیم مصنوعات پر 2 روپے 50 پیسے فی لیٹر کاربن لیوی بھی عائد کی گئی ہے۔ اس کے علاوہ پیٹرول پر لیوی کم کرکے 75 روپے 52 پیسے اور ہائی اسپیڈ ڈیزل پر لیوی 74 روپے 51 پیسے فی لیٹر مقرر کی گئی ہے۔