کراچی / مانیٹرنگ ڈیسک: پاکستان سپر لیگ (پی ایس ایل) کے دسویں ایڈیشن کے لیے کراچی کنگز نے آسٹریلیا کے جارحانہ بیٹر ڈیوڈ وارنر کو کپتان مقرر کر دیا۔ بائیں ہاتھ کے بیٹر کو ٹیم نے پی ایس ایل پلیئرز ڈرافٹ 2025 میں پلاٹینم کیٹیگری میں اپنی پہلی پسند کے طور پر منتخب کیا تھا۔
کراچی کنگز کے مالک سلمان اقبال نے کہا کہ وہ ڈیوڈ وارنر کو ٹیم کا حصہ بننے پر خوش آمدید کہتے ہیں، اور ان کی قیادت و میچ وننگ صلاحیتیں ٹیم کے وژن سے پوری طرح ہم آہنگ ہیں۔ یاد رہے کہ کراچی کنگز اپنا پہلا میچ 12 اپریل کو اپنے ہوم گراؤنڈ میں ملتان سلطانز کے خلاف کھیلے گی۔