عالمی خبر رساں ادارے کے مطابق سعودی عرب، متحدہ عرب امارات اور دیگر خلیجی ممالک میں عوام سے شوال کا چاند دیکھنے کی درخواست کی گئی تھی۔
ملک کے مختلف حصوں سے موصول ہونے والی شہادتوں کی تصدیق کے بعد سعودی حکام نے اعلان کیا کہ عید الفطر اتوار 30 مارچ کو منائی جائے گی۔
دوسری طرف، انڈونیشیا، ملائیشیا، برونائی، آسٹریلیا اور بنگلہ دیش میں چاند نظر نہ آنے کے سبب عید الفطر پیر 31 مارچ کو منائی جائے گی۔ پاکستان سمیت کئی ایشیائی ممالک میں چاند دیکھنے کا عمل کل ہوگا، جبکہ پہلے یہ امکان ظاہر کیا جا رہا تھا کہ بیشتر ممالک میں عید ایک ساتھ پیر کے روز ہوگی۔