ڈیرہ اسماعیل خان/ مانیٹرنگ ڈیسک: ڈیرہ اسماعیل خان میں گھریلو تنازع کے دوران بھائی کی فائرنگ سے 4 افراد جان کی بازی ہار گئے۔
پولیس کے مطابق واقعہ گاؤں شیرکہنہ میں پیش آیا، جہاں خاندانی جھگڑے کے دوران ایک بھائی نے دوسرے بھائی پر گولیاں چلا دیں، جس کے نتیجے میں چار افراد جاں بحق ہوگئے۔
جاں بحق ہونے والوں میں سعد اللہ، اس کی اہلیہ، بیٹی اور ایک قریبی رشتہ دار ابوبکر شامل ہیں، جبکہ مقتول کے دو بیٹے زخمی ہوئے، جنہیں فوری طور پر اسپتال منتقل کردیا گیا۔
پولیس کا کہنا ہے کہ فائرنگ کے بعد ملزمان موقع سے فرار ہوگئے، جن کی تلاش کے لیے کارروائی جاری ہے۔