وزیرستان/ مانیٹرنگ ڈیسک: جنوبی وزیرستان کے اعظم ورسک بازار کی مسجد میں دھماکے کے نتیجے میں جے یو آئی کے ضلعی امیر سمیت متعدد افراد زخمی ہوگئے۔
پولیس کے مطابق دھماکا اعظم ورسک کی مسجد میں پیش آیا، جس کے باعث کئی افراد کے زخمی ہونے کی اطلاعات موصول ہوئی ہیں۔
ڈی پی او آصف بہادر نے میڈیا سے گفتگو میں بتایا کہ دھماکا خیز مواد مسجد میں نصب کیا گیا تھا، جس کے نتیجے میں جے یو آئی کے ضلعی امیر عبداللہ ندیم سمیت چار افراد زخمی ہوئے۔
یہ بات قابل ذکر ہے کہ کچھ عرصہ قبل نوشہرہ میں واقع دارالعلوم حقانیہ اکوڑہ خٹک کی مسجد میں بھی خودکش حملہ ہوا تھا، جس میں جے یو آئی (س) کے سربراہ مولانا حامد الحق سمیت 8 افراد شہید اور کئی دیگر زخمی ہوگئے تھے۔