کراچی / مانیٹرنگ ڈیسک: کراچی سے راولپنڈی جانے والی تیز گام ایکسپریس روہڑی اسٹیشن کے قریب حادثے کا شکار ہوگئی۔
ریلوے حکام کے مطابق، ٹرین کی ایک بوگی پٹری سے اتر گئی، جس کے بعد امدادی کارروائیاں جاری ہیں۔ حادثے کے نتیجے میں اپ ٹریک بلاک ہوگیا اور ریلوے لائن کو نقصان پہنچا، تاہم کوئی جانی نقصان نہیں ہوا۔
اس واقعے کے بعد بہاؤ الدین زکریا ایکسپریس کو بیگماجی اسٹیشن پر روک دیا گیا، جبکہ شاہ حسین ایکسپریس، گرین لائن ایکسپریس اور فرید ایکسپریس کو بھی مختلف اسٹیشنز پر روکا گیا ہے۔