دوبئی / مانیٹرنگ ڈیسک: انٹرنیشنل کرکٹ کونسل (آئی سی سی) نے چیمپئنز ٹرافی کے لیے ٹیم آف دی ٹورنامنٹ کا اعلان کر دیا ہے، جس میں صرف تین ممالک کے کھلاڑیوں کو شامل کیا گیا ہے۔
ٹورنامنٹ میں شریک آٹھ ٹیموں میں سے صرف بھارت، نیوزی لینڈ اور افغانستان کے کھلاڑی منتخب کیے گئے۔ 12 رکنی ٹیم میں بھارت کے چھ، نیوزی لینڈ کے چار، اور افغانستان کے دو کھلاڑی شامل ہیں۔ حیران کن طور پر، سیمی فائنل تک پہنچنے والی جنوبی افریقہ اور آسٹریلیا کی ٹیموں کے کسی بھی کھلاڑی کو اس فہرست میں جگہ نہیں ملی، جبکہ میزبان پاکستان کا بھی کوئی کھلاڑی منتخب نہیں کیا گیا۔
بھارت کے ویرات کوہلی، شریاس ایر، کے ایل راہول، محمد شامی اور ورون چکرورتی ٹیم آف دی ٹورنامنٹ میں شامل کیے گئے ہیں۔ نیوزی لینڈ سے رچن روندرا، گلین فلپس، مچل سینٹنر اور میٹ ہینری کو منتخب کیا گیا، جبکہ افغانستان کے ابراہیم زدران اور عظمت اللہ عمرزئی بھی اس ٹیم کا حصہ بننے میں کامیاب رہے۔ بھارت کے اکشر پٹیل کو ٹیم کا 12واں کھلاڑی مقرر کیا گیا ہے۔