سڈنی / مانیٹرنگ ڈیسک: آسٹریلیا کے سابق ٹیسٹ کرکٹر اسٹیورٹ میک گل کو منشیات کیس میں قصوروار قرار دے دیا گیا۔
آسٹریلوی میڈیا کے مطابق میک گل کو کوکین کی لین دین میں سہولت فراہم کرنے کا مجرم پایا گیا، جہاں وہ اپنے بہنوئی اور ایک اسٹریٹ ڈرگ ڈیلر کے ساتھ ملوث تھے۔ نیو ساؤتھ ویلز ڈسٹرکٹ کورٹ نے آٹھ روزہ ٹرائل کے بعد ان کے خلاف فیصلہ سنایا، جبکہ جیوری نے ان کے اس دعوے کو بھی مسترد کر دیا کہ وہ صرف دو افراد کو آپس میں متعارف کروا رہے تھے۔
یہ کیس 2021 سے زیر سماعت تھا، تاہم انہیں بڑے پیمانے پر منشیات کے کاروبار میں ملوث نہیں پایا گیا۔ میک گل نے اعتراف کیا کہ وہ باقاعدگی سے 200 ڈالرز میں آدھا گرام کوکین خریدتے رہے ہیں۔ آسٹریلوی میڈیا کے مطابق انہیں رواں سال کے آخر میں سزا سنائی جائے گی۔