جماعت اسلامی خیبرپختونخوا کے سابق امیر اور سینیٹر (ر) مشتاق احمد خان کے بڑے بھائی کو صوابی میں ان کے گھر کے باہر فائرنگ کرکے قتل کردیا گیا۔
پولیس کے مطابق شکیل احمد خان پر گھر کے سامنے گولیاں چلائی گئیں، یہ واقعہ گاؤں احد خان کلے شیخ جانہ میں پیش آیا۔ ڈی پی او صوابی محمد اظہر نے بتایا کہ مقتول کو ان کے ہمسائے نے فائرنگ کرکے قتل کیا۔ ملزم نے پہلے اپنے والد کو قتل کیا تھا، اور جب شکیل احمد خان بیچ بچاؤ کے لیے آگے بڑھے تو وہ بھی گولیوں کا نشانہ بن گئے۔ ڈی پی او کے مطابق ملزم مبینہ طور پر منشیات کا عادی اور ذہنی طور پر بھی مکمل صحت مند نہیں ہے۔
واقعے پر گہرے دکھ کا اظہار کرتے ہوئے سابق سینیٹر مشتاق احمد خان نے سوشل میڈیا پر جاری اپنے بیان میں کہا کہ ان کے بڑے بھائی کو گھر کے سامنے شہید کردیا گیا۔ انہوں نے اپنے بھائی کو اپنا قریبی ساتھی قرار دیتے ہوئے اس قتل کو بدترین درندگی قرار دیا۔ مشتاق احمد خان کے بھائی کے قتل پر مختلف شعبوں سے تعلق رکھنے والے افراد نے افسوس اور تعزیت کا اظہار کیا ہے۔