کوئٹہ / مانیٹرنگ ڈیسک: کوئٹہ کے ڈبل روڈ پر ایک پولیس موبائل کے قریب دھماکہ ہوا جس کے باعث تین افراد ہلاک اور اکیس زخمی ہو گئے۔ پولیس کے مطابق اس دھماکے سے ایک گاڑی اور ایک موٹر سائیکل کو نقصان پہنچا۔ ہلاک ہونے والے افراد کی لاشیں سول اسپتال منتقل کر دی گئی ہیں۔ ٹراما سینٹر کی انتظامیہ نے بتایا کہ زخمی 17 افراد کو ٹراما سینٹر میں داخل کیا گیا ہے
، جن میں دو بچے بھی شامل ہیں۔ پولیس سرجن ڈاکٹر عائشہ فیض نے تصدیق کی کہ تین افراد جاں بحق اور اکیس زخمی ہوئے ہیں، جن میں سے تین کی حالت تشویشناک ہے۔ مقامی باشندوں کا کہنا ہے کہ دھماکہ کی آواز دور دراز علاقوں میں بھی سنی گئی، جبکہ قانون نافذ کرنے والے اداروں نے فوری تحقیقات کا آغاز کر دیا ہے۔