جمہوریہ ڈومینیکن: نائٹ کلب کی چھت گرنے سے صوبائی گورنر اور سابق بیس بال کھلاڑی سمیت 98 افراد جاں بحق ہو گئے ۔بی بی سی کی رپورٹ کے مطابق جمہوریہ ڈومینیکن کے دارالحکومت سانتو ڈومنگو میں منگل کی صبح ایک افسوسناک واقعہ پیش آیا، جہاں ایک نائٹ کلب کی چھت گرنے سے کم از کم 98 افراد جان کی بازی ہار گئے جبکہ 150 سے زائد زخمی ہوئے۔
یہ حادثہ معروف گلوکار ربی پیریز کے کنسرٹ کے دوران اس
وقت پیش آیا جب کلب میں سینکڑوں افراد موجود تھے۔ جاں بحق ہونے والوں میں مونٹی کرسٹی کی گورنر نیلسی کروز اور سابق میجر لیگ بیس بال اسٹار اوکٹاویو ڈوٹیل بھی شامل ہیں۔
ریسکیو ادارے ملبے تلے دبے افراد کی تلاش میں مصروف ہیں اور حکام کی جانب سے ہلاکتوں میں اضافے کا خدشہ ظاہر کیا گیا ہے۔ تاہم ایمرجنسی آپریشنز سینٹر کے ڈائریکٹر کا کہنا ہے کہ امکان ہے کچھ لوگ ابھی بھی ملبے کے نیچے زندہ ہوں۔
ادھر جمہوریہ ڈومینیکن کے صدر نے واقعے پر گہرے رنج و غم کا اظہار کرتے ہوئے متاثرہ خاندانوں سے تعزیت کی ہے۔