کراچی: صدر مملکت آصف علی زرداری کی طبیعت ناساز ہونے پر انہیں نوابشاہ سے کراچی منتقل کردیا گیا۔
ذرائع کے مطابق صدر مملکت کو کراچی کے ایک نجی اسپتال میں داخل کیا گیا، جہاں ان کا علاج جاری ہے۔ اسپتال ذرائع کا کہنا ہے کہ آصف علی زرداری کو بخار اور انفیکشن کے باعث اسپتال میں داخل کیا گیا، اور ان کے مختلف طبی معائنے کیے گئے ہیں۔ مزید اطلاعات کے مطابق ان کا علاج معالج ڈاکٹر عاصم حسین کی نگرانی میں کیا جا رہا ہے۔