پی ایس ایل میں بڑا تنازعہ کھڑا ہو گیا ، باؤلنگ ایکشن پر اعتراض کر دیا گیا

کراچی / مانیٹرنگ ڈیسک: پاکستان سپر لیگ کی ٹیم کوئٹہ گلیڈی ایٹرز کے اسپنر عثمان طارق کا بولنگ ایکشن مشکوک قرار دے دیا گیا ہے۔لاہور قلندرز کے خلاف میچ کے دوران آن فیلڈ امپائرز احسن رضا اور کرس براؤن نے ان کے ایکشن پر اعتراض اٹھایا اور رپورٹ کیا۔

اگر عثمان طارق کا بولنگ ایکشن دوبارہ رپورٹ ہوا تو انہیں عارضی طور پر بولنگ سے روک دیا جائے گا۔ اس کے بعد وہ صرف آئی سی سی کی منظور شدہ لیبارٹری سے کلیئرنس حاصل کرنے پر ہی دوبارہ بولنگ کر سکیں گے۔