اسلام آباد:چاغی، بلوچستان میں قیمتی معدنیات کی بڑی دریافت سامنے آئی ہے، جہاں نیشنل ریسورسز لمیٹڈ (این آر ایل) نے سونے، چاندی اور تانبے کے اہم ذخائر کا سراغ لگانے کا اعلان کیا ہے۔ یہ اعلان پاکستان منرلز انویسٹمنٹ فورم 2025 کے دوران این آر ایل کے چیئرمین اور لکی سیمنٹ کے سی ای او محمد علی ٹبہ نے وزیرِ اعظم شہباز شریف اور آرمی چیف جنرل عاصم منیر کی موجودگی میں اپنے خطاب میں کیا۔
این آر ایل ایک مکمل نجی پاکستانی کمپنی ہے، جو فاطمہ فرٹیلائزر، لبرٹی ملز اور لکی سیمنٹ کی ذیلی ادارہ ہے۔ کمپنی کو اکتوبر 2023 میں تلاشِ معدنیات کا لائسنس دیا گیا تھا، اور گزشتہ 18 مہینوں کے دوران 500 کلومیٹر کے رقبے میں 16 مقامات پر ممکنہ ذخائر کی نشاندہی کی گئی ہے۔ ان میں تانگ کور کا علاقہ نمایاں ہے، جہاں جدید ڈرلنگ کا عمل جاری ہے۔
اب تک این آر ایل 13 ڈائمنڈ ڈرل ہولز (مجموعی طور پر 3517 میٹر) مکمل کرچکی ہے، اور تمام مقامات پر معدنی ذخائر کی موجودگی کی تصدیق ہوئی