ایجبسٹن میں جمعرات کو کھیلے گئے تین میچز پر مشتمل سیریز کے پہلے ون ڈے میں انگلینڈ کے بیٹرز نے ویسٹ انڈیز کے بولرز کو بری طرح نشانہ بنایا اور 50 اوورز میں 8 وکٹوں کے نقصان پر 400 رنز بنا ڈالے۔ حیرت انگیز طور پر اس بڑے اسکور میں کسی بھی بیٹر نے سنچری اسکور نہیں کی۔
انگلینڈ کی جانب سے جیکب بیتھل نے 82، بین ڈکٹ نے 60، کپتان ہیری بروک نے 58 اور جو روٹ نے 57 رنز بنائے۔ اس کارکردگی کے ساتھ انگلینڈ ون ڈے کرکٹ کی تاریخ میں وہ پہلی ٹیم بن گئی ہے جس نے بغیر کسی بیٹر کی سنچری کے 400 رنز اسکور کیے۔
اس سے قبل یہ ریکارڈ جنوبی افریقہ کے پاس تھا، جس نے 2007 میں پاکستان کے خلاف سنچری کے بغیر 392 رنز بنائے تھے۔
