پاکستان میں ایک اور حادثہ ، قیمتی جانیں ضائع ہو گئیں

 مظفرگڑھ – مظفرگڑھ کے علاقے لنگر سرائے کے قریب ایک افسوسناک ٹریفک حادثہ پیش آیا جہاں مسافر بس اور ٹریلر کے درمیان تصادم کے نتیجے میں 6 افراد جاں بحق جبکہ 18 زخمی ہو گئے۔

پولیس کے ترجمان کے مطابق جاں بحق افراد میں دو مرد، دو خواتین اور دو بچے شامل ہیں، جبکہ بس ڈرائیور بھی حادثے میں جان سے ہاتھ دھو بیٹھا۔ یہ بس جھنگ سے علی پور جا رہی تھی کہ راستے میں حادثے کا شکار ہو گئی۔

حادثے کی اطلاع ملتے ہی ریسکیو 1122 کی ٹیمیں فوری طور پر جائے وقوعہ پر پہنچ گئیں، جہاں زخمیوں کو ابتدائی طبی امداد فراہم کرنے کے بعد قریبی اسپتال منتقل کر دیا گیا۔