اسلام آباد:نیشنل سائبر کرائم انویسٹی گیشن ایجنسی (NCCIA) نے وفاقی دارالحکومت میں خواتین کی تصاویر اور ویڈیوز میں جعلی ترمیم کر کے انہیں سوشل میڈیا پر پھیلانے، بلیک میل کرنے اور ہراساں کرنے کے الزام میں ایک شخص کو گرفتار کر لیا۔
ملزم اسد شیراز پر الزام ہے کہ اس نے شکایت کنندہ اور اس کی بہن کی تصاویر و ویڈیوز میں بدنیتی سے ترمیم کی، انہیں گمراہ کن انداز میں TikTok اور WhatsApp جیسے سوشل میڈیا پلیٹ فارمز پر شیئر کیا، اور متاثرہ خاتون و اس کے اہل خانہ کو مسلسل بلیک میل اور ہراساں کرتا رہا۔
NCCIA نے اسلام آباد کے علاقے جی-10 میں کارروائی کرتے ہوئے ملزم کو گرفتار کر لیا، جس کے خلاف پیکا ایکٹ اور دیگر متعلقہ دفعات کے تحت مقدمہ درج کر لیا گیا ہے۔